सुनसरीमा १२ वटा स्थानीय निकाय बनाउन सिफारिस

सुनसरी ।    सङ्घीय मामिला तथा स्थानीय विकास अधिकारी एवम स्थानीय निकाय पुनर्सरचना सिफारिस समितिका संयोजक रामप्रसाद वाग्लेको अध्यक्षतामा शुक्र...

सुनसरी ।  सङ्घीय मामिला तथा स्थानीय विकास अधिकारी एवम स्थानीय निकाय पुनर्सरचना सिफारिस समितिका संयोजक रामप्रसाद वाग्लेको अध्यक्षतामा शुक्रबार बसेको सर्वदलीय बैठकले सुनसरीको स्थानीय निकाय १२ वटा बनाउन सकिने सिफारिस गरेको छ ।

जिल्लामा सक्रीय बिभिन्न राजनीतिक दलका जिल्ला अध्यक्षहरु सहभागी समितिको बैठकले सुनसरीमा २ उपमहानगरपालिका ४ नगरपालिका र ६ ग्रामपालिका बनाउने गरि सिफारीस गर्ने निर्णय भएको वमोजिम सिफारिस गरिने समितिका संयोजक वाग्लेले जानकारी दिए ।
सुनसरीमा वनाउन लागिएको १२ वटा स्थानीय निकायमा हाल कायम रहेका इटहरी र धरान उपमहानगरपालिका, इनरुवा, रामधुनीभासी र दुहवीभलुवा नगरपालिका र नयाँ नगरपालिकाका रुपमा बराह नगरपालिका थप हुने सहमति भएको नेपाली काँग्रेस सुनसरीका सभापति राजिव कोइरालाले वताए ।
१२ वटा भन्दा वढी वनाउन नसक्ने पुर्नसंरचना आयोगको सुझाव अनुसार २ उपमहानगरपालिका, ४ नगरपालिका र ६ ग्रामपालिका वनाउने सहमति भएको कोइरालाले जानकारी गराए । यस अघि सुनसरीमा १३ स्थानीय निकाय वनाउन राजनैतिक दलहरु सहित समितिले सिफारीस गरेकामा पुर्नसंरचना आयोगले घटाउन सुझाव दिएपछि पुनः बैठक बसेर सिफारिस गरिएको हो ।
जसअनुसार बराहक्षेत्र महेन्द्रनगर भरौल प्रकाशपुर र मधुवन गाविसलाई मिलाएर नयाँ थप बराह नगरपालिका बनाउन सकिने सिफारिस गरिएको छ । बैठकले रामगञ्ज बेलगछिया अमाहीबेलाहा, अमडुवा, चिमडी गाविसलाई मिलाएर बर्जुताल ग्रामपालिका सिफारिस गरिएको छ । त्यस्तै सत्तेरझोरा, औराबनी, छिटाहा पूर्वकुहाहा र मधेली गाविसलाई मिलाएर गढिमाई ग्रामपालिका, बसन्तपुर, हरिनगरा, गौतमपुर, घुस्की, रामनगरभुटाहा र गौतमपुर गाविसलाई मिलाएर हरिनगरा ग्रामपालिका ,देवानगञ्ज, कप्तानगञ्ज राजगञ्जसिनवारी, साहेवगञ्ज र मध्यहर्षाही गाविसलाई मिलाएर देवानगञ्ज ग्रामपालिका सिफारिस गरिएको छ ।
त्यसैगरी समितिले हरिनगरा, श्रीपुर, पश्चिम कुशाहा र लौकही गाविसलाई मिलाएर कोशी ग्रामपालिका तथा  भोक्राहा र नरसिंह गाविसलाई मिलाएर भोक्राहा ग्रामपालिका बनाउन सकिने सिफारिस गरेको छ । इनरुवा नगरपालिकामा मधेशा, डुम्राहा, बबिया र चाँदबेला गाविस मिलाईउन सकिने सिफारिस गरेको छ भने सोनापुरलाई दुहवीभलुवामा र बकलौरीलाई रामधुनीभासी नगरपालिकामा मिलाउने सहमति भएको छ ।