हरिनगरामा आज कडा सुरक्षा बिच एमाले ले गरे आम सभा

हरिनगरा, २५ पुस । नेकपा एमाले  सुनसरीको दक्षिणी गाविस हरिनगरामा आज कडा सुरक्षा बिच   आमसभा भएको छ । आम सभा र शक्ति प्रर्दशनलाई लक्षित गरी मध...

हरिनगरा, २५ पुस ।नेकपा एमाले  सुनसरीको दक्षिणी गाविस हरिनगरामा आज कडा सुरक्षा बिच   आमसभा भएको छ । आम सभा र शक्ति प्रर्दशनलाई लक्षित गरी मधेशी दल आवद्ध स्थानीयहरुले हिजै देखि सुरु गरेको  विरोध प्रर्दशनका बाबजुद एमालेले प्रहरीको घेराबन्दीमा आम सभा गरेको हो । आज बिहानै देखि हरिनगरा बजार बन्द गरिएको थियो । बिहानै देखि स्थानियहरुले टायर बाली प्रदर्शन गरिरहदा  कडा सुरक्षाको बिच एमालेका बरिष्ट नेता माधव कुमार नेपालले आम सभामा सहभागी भएको हाम्रा समाचारदाताले जनाएको छ । अप्रहान १२ः ३० आउनुभएका नेता नेपाल अरु सभाको तुलनामा कम आक्रमक भई भाषण गरेको बताईएको छ । प्रदर्शनका क्रममा दुई जनालाई सुनसरी प्रहरी नियन्त्रण्मा लिएको छ । हरिनगरा ४ का इरफान अन्सारी र गौतमपुर ९का अशोक कुमार मेहतालाई नियन्त्रणमा लिएको सुनसरी प्रहरीले जनाएको छ ।  कार्यक्रम स्थललाई लक्षित गरी हरिनगरा बजार क्षेत्रमा नारा जुलुस सहित एमाले विरोधी प्रर्दशन गरिएको थियो । एमालेलाई मधेश नचाहिएकाले मधेशबाट एमाले बिदाई कार्यक्रम आयोजना गर्नु परेको भन्दै स्थानियहरु प्रदर्शन गरिदै नेता नेपाललाई कालो झण्डा समेत देखाएको थियो । प्रदर्शनकोक्रममा एउटा बसमा समेत क्षती पु¥याएको बताइएको छ ।   मधेशवादी दलहरुले हरिनगरामा एमालेले गर्न लागेको सभामा पार्टीगत विरोधको निर्णय नभएको भन्दै सर्वसाधारण स्वतस्फूर्त विरोधमा उत्रिएको बताइएको छ ।